ਅਜਿਹੇ ਸਮੇਂ ‘ਚ ਜਦੋਂ ਹੋਰਾਂ ਅਦਾਕਾਰਾਂ ਫਿਰ ਤੋਂ ਵੱਡੇ ਪਰਦੇ ‘ਤੇ ਵਾਪਸੀ ਕਰ ਰਹੀਆਂ ਹਨ, ਫ਼ਿਲਮ ਅਦਾਕਾਰਾ ਕਾਜੋਲ ਕਿਸੀ ਚੰਗੀ ਕਹਾਣੀ ਦਾ ਇਤਜ਼ਾਰ ਕਰ ਰਹੀ ਹੈ। ਕਿਸੀ ਸਮੇਂ ਬਾਲੀਵੁੱਡ ‘ਤੇ ਰਾਜ ਕਰਨ ਵਾਲੀ ਕਾਜੋਲ ਨਾਲ ਕੰਮ ਕਰ ਰਹੀਆਂ ਅਦਾਕਾਰਾਂ ਕਰਿਸ਼ਮਾ ਕਪੂਰ ਤੇ ਰਵੀਨਾ ਟੰਡਨ ਨੇ ਵਿਆਹ ਕਰਕੇ ਫ਼ਿਲਮਾਂ ਤੋਂ ਕਿਨਾਰਾ ਕਰ ਲਿਆ ਜਦਕਿ ਮਾਧੁਰੀ ਦੀਕਸ਼ਿਤ ਤੇ ਸ਼੍ਰੀਦੇਵੀ ਜਿਹੀਆਂ ਅਦਾਕਾਰਾਂ ਫਿਰ ਤੋਂ ਪਰਦੇ ਦੇ ਵੱਲ ਰੁਖ ਕਰ ਰਹੀਆਂ ਹਨ।
ਕਾਜੋਲ ਨੇ ਸਾਲ 2001 ‘ਚ ਫ਼ਿਲਮਾਂ ਤੋਂ ਕਿਨਾਰਾ ਕਰ ਲਿਆ ਸੀ ਤੇ ਉਸ ਦੇ ਬਾਅਦ 2006 ‘ਚ ਉਨ੍ਹਾਂ ਨੇ ਕੁਣਾਲ ਕੋਹਲੀ ਦੀ ਫ਼ਿਲਮ ‘ਫਨਾ’ ਨਾਲ ਸ਼ਾਨਦਾਰ ਵਾਪਸੀ ਕੀਤੀ। ਇਸ ਫ਼ਿਲਮ ‘ਚ ਉਨ੍ਹਾਂ ਨਾਲ ਆਮਿਰ ਖਾਨ ਨੇ ਕੰਮ ਕੀਤਾ ਸੀ। ਇਸ ਦੇ ਬਾਅਦ ਉਨ੍ਹਾਂ ਨੇ ‘ਕਭੀ ਅਲਵਿਦਾ ਨਾ ਕਹਿਣਾ’, ‘ਓਮ ਸ਼ਾਂਤੀ ਓਮ’ ਤੇ ‘ਰਬ ਨੇ ਬਣਾ ਦੀ ਜੋੜੀ’ ‘ਚ ਮਹਿਮਾਨ ਕਲਾਕਾਰ ਦਾ ਕਿਰਦਾਰ ਨਿਭਾਇਆ ਹੈ। ਹਾਲਾਂਕਿ ਇਸ ਦੇ ਬਾਅਦ ਉਨ੍ਹਾਂ ਨੇ ਆਪਣੇ ਪਤੀ ਅਜੇ ਦੇਵਗਨ ਨਾਲ ‘ਯੂ ਮੀ ਔਰ ਹਮ’ ‘ਚ ਕੰਮ ਕੀਤਾ ਜੋ ਬਾਕਸ ਆਫਿਸ ‘ਤੇ ਅਸਫਲ ਰਹੀ।
ਫ਼ਿਲਮਾਂ ‘ਚ ਦੋਬਾਰਾ ਕੰਮ ਕਰਨ ਦੇ ਸਵਾਲ ‘ਤੇ ਉਨ੍ਹਾਂ ਕਿਹਾ ਹੈ,”ਹਾਂ ਉਮੀਦ ਤਾਂ ਹੈ, ਦੇਖੀਏ ਇਹ ਸਮੇਂ ਕਦੋਂ ਆਉਂਦਾ ਹੈ, ਜਦੋਂ ਸਹੀ ਸਮੇਂ ਆਵੇਗਾ, ਇਹ ਉਸ ਸਮੇਂ ਹੀ ਹੋਵੇਗਾ, ਉਸ ਤੋਂ ਪਹਿਲੇ ਨਹੀਂ।” ਕੀ ਕਿਸੀ ਫ਼ਿਲਮ ‘ਤੇ ਕੰਮ ਕਰ ਰਹੀ ਹੈ, ਦੇ ਸਵਾਲ ‘ਤੇ ਉਨ੍ਹਾਂ ਕਿਹਾ ਹੈ,”ਨਹੀਂ..ਫਿਲਹਾਲ ਨਹੀਂ।”

ਮੁੰਬਈ, 15 ਜਨਵਰੀ (ਦੇਸ ਪ੍ਰਦੇਸ ਟਾਈਮਜ਼ ਬਿਊਰੋ)- ਕਿੰਗਫਿਸ਼ਰ ਫੈਸ਼ਨ ਸ਼ੋਅ ਦੌਰਾਨ ਰੈਂਪ ‘ਤੇ ਬਾਲੀਵੁੱਡ ਅਦਾਕਾਰਾ ਤੇ ਮਾਡਲ ਪੂਜਾ ਮਿਸ਼ਰਾ, ਅਦਾਕਾਰ ਜਾਨ ਅਬ੍ਰਾਹਮ ਅਤੇ ਅਦਾਕਾਰਾ ਗੁਲ ਪਨਾਗ।

ਕੋਲਕਾਤਾ, 2 ਜਨਵਰੀ (ਦੇਸ ਪ੍ਰਦੇਸ ਟਾਈਮਜ਼ ਬਿਊਰੋ)- ਹਿੰਦੀ ਫਿਲਮਾਂ ਦੇ ਮੰਨੇ-ਪ੍ਰਮੰਨੇ ਕਲਾਕਾਰ ਸੰਜੇ ਦੱਤ ਅਤੇ ਬਿਪਾਸ਼ਾ ਬਸੂ ਇਕ ਬੰਗਾਲੀ ਫਿਲਮ ਦੇ ਹਿੰਦੀ ਐਡੀਸ਼ਨ ਵਿਚ ਕੰਮ ਕਰਨਗੇ। ਫਿਲਮ ਜੰਗਲ ਨਾਲ ਜੁੜੀ ਰੋਮਾਂਚਕ ਕਹਾਣੀ ਹੈ। ਨਿਤੀਸ਼ ਰਾਏ ਦੇ ਨਿਰਦੇਸ਼ਨ ਵਾਲੀ ਫਿਲਮ ‘ਗਹਿਰਾ ਪਾਨੀ’ ਵਿਚ ਸੰਜੇ ਦੱਤ ਇਕ ਵਿਗਿਆਨਕ ਦੀ ਭੂਮਿਕਾ ਵਿਚ ਹੋਣਗੇ, ਜੋ ਜੱਦੀ ਤੌਰ ‘ਤੇ ਇਕ ਅਜਿਹੇ ਮਗਰਮੱਛ ਨੂੰ ਵਿਕਸਤ ਕਰਦਾ ਹੈ, ਜਿਸ ਵਿਚ ਕੁਝ ਖੁਫੀਆ ਖਾਸੀਅਤਾਂ ਹਨ ਪਰ ਕੁਝ ਸ਼ਿਕਾਰੀ ਇਸ ਮਗਰਮੱਛ ਨੂੰ ਪਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਫਿਲਮ ਨਿਰਮਾਤਾ ਅਵੀਕ ਬਾਗਚੀ ਨੇ ਪੀ.ਟੀ.ਆਈ. ਨੂੰ ਦੱਸਿਆ ਕਿ ਪੱਛਮੀ ਮਿਦਨਾਪੁਰ ਦੇ ਮਾਓਵਾਦੀ ਪ੍ਰਭਾਵਿਤ ਜੰਗਲ ਮਹਿਲ ਇਲਾਕੇ ਵਿਚ ਇਕ ਫਿਲਮ ਸਿਟੀ ਵਿਚ ਸ਼ੂਟਿੰਗ ਵਿਚ ਦੋਵੇਂ ਬਾਲੀਵੁੱਡ ਕਲਾਕਾਰ ਹਿੱਸਾ ਲੈ ਸਕਦੇ ਹਨ ਜਿਥੇ ਪਾਇਰੋਤਕਨੀਕ ਅਤੇ ਸੀ.ਜੀ.ਆਈ. ਦੀ ਮਦਦ ਨਾਲ 100 ਫੁੱਟ ਲੰਬਾ ਵਿਸ਼ਾਲ ਮਗਰਮੱਛ ਬਣਾਇਆ ਗਿਆ ਹੈ।

ਲਾਸ ਏਂਜਲਸ, 25 ਦਸੰਬਰ (ਦੇਸ ਪ੍ਰਦੇਸ ਟਾਈਮਜ਼ ਬਿਊਰੋ)-‘ਇਨ ਦ ਲੈਂਡ ਆਫ ਬਲਡ ਐਂਡ ਹਨੀ’ ਨਾਲ ਨਿਰਦੇਸ਼ਨ ਖੇਤਰ ‘ਚ ਕਦਮ ਰੱਖਣ ਵਾਲੀ ਐਂਜਲੀਨਾ ਜੋਲੀ ਦੀ ਇਸਲਈ ਵੱਡੀ ਸਰਾਹਨਾ ਕੀਤੀ ਗਈ ਸੀ ਪਰ ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਅਗਲੀ ਫ਼ਿਲਮ ਦੇ ਨਿਰਦੇਸ਼ਨ ਦੀ ਜ਼ਲਦਬਾਜ਼ੀ ਨਹੀਂ ਹੈ। 36 ਸਾਲਾ ਐਂਜਲਾਨੀ ਨੇ ਕਿਹਾ ਹੈ ਕਿ ਉਹ ਅਗਲੀ ਫ਼ਿਲਮ ਦਾ ਨਿਰਦੇਸ਼ਨ ਸੋਚ ਸਮਝ ਕੇ ਕਰੇਗੀ। ਉਨ੍ਹਾਂ ਕਿਹਾ,”ਮੈਨੂੰ ਰਾਜਨੀਤਿਕ ਪਸੰਦ ਹੈ, ਮੈਂ ਅੰਦਰੂਨੀ ਕੰਮ ‘ਚ ਹੋਰ ਦੇਸ਼ਾਂ ਤੇ ਵਿਦੇਸ਼ੀ ਮਾਮਲਿਆਂ ਦੇ ਬਾਰੇ ‘ਚ ਕਾਫੀ ਸਿੱਖਦੀ ਹਾਂ। ਮੈਨੂੰ ਨਹੀਂ ਪਤਾ ਹੈ ਕਿ ਮੈਨੂੰ ਅਜਿਹਾ ਕੁਝ ਨਿਰਦੇਸ਼ਨ ਕਰਨਾ ਰੋਚਕ ਲਗੇਗਾ ਜਾਂ ਨਹੀਂ ਜਿਸਦੇ ਬਾਰੇ ‘ਚ ਮੈਂ ਜ਼ਿਆਦਾ ਨਹੀਂ ਜਾਣਦੀ।”

ਅਭਿਸ਼ੇਕ ਬੱਚਨ, ਬਿਪਾਸ਼ਾ ਬਸੂ, ਸੋਨਮ ਕਪੂਰ ਅਤੇ ਪਲੇਅਰਜ਼ ਦੀ ਬਾਕੀ ਦੀ ਕਾਸਟ ਵੀਕਐਂਡ ਤੇ ਜੁਹੂ ਸਕੀਮ ਵਿਖੇ ਇਕ ਖੁੱਲ੍ਹੀ ਗਰਾਊਂਡ ਵਿਚ ਇਕੱਠੇ ਹੋਏ ਅਤੇ ਉਨ੍ਹਾਂ ਆਪਣੇ ਸਿਰਲੱਥ ਜਲਵੇ ਬਖੇਰੇ। ਇਹ ਫਿਲਮ ਦੀ ਆਡੀਓ ਲਾਂਚ ਦਾ ਵੀ ਇਕ ਹਿੱਸਾ ਸੀ। ਫਿਲਮਸਾਜ਼ਾਂ ਵਲੋਂ ਇਕ ਫੰਕਸ਼ਨ ਲਈ ਵੱਡੀ ਰਕਮ ਖਰਚ ਕੀਤੀ ਗਈ ਤਾਂ ਕਿ ਦਰਸ਼ਕਾਂ ਸਮੇਤ ਸਿਤਾਰਿਆਂ ਦੇ ਲਾਈਵ ਸ਼ੋਅ ਵਾਸਤੇ ਪੂਰੀ ਚਮਕ-ਦਮਕ ਹੋਵੇ। ਕਾਰਨ ਕਿਉਂਕਿ ਫਿਲਮ ਐਕਸ਼ਨ ਭਰਪੂਰ ਹੈ, ਇਸ ਲਈ ਉਹ ਚਾਹੁੰਦੇ ਸਨ ਕਿ ਮਿਊਜ਼ਿਕ ਲਾਂਚ ਸਮੇਂ ਪੂਰਾ ਧਮਾਕਾ ਹੋਵੇ ਅਤੇ ਲੋਕ ਇਸ ਨੂੰ ਮਹਿਸੂਸ ਕਰ ਸਕਣ।
ਲੋਕੇਸ਼ਨ ‘ਚ ਤਬਦੀਲੀ
ਹਾਲ ਵਿਚ ਹੀ ਇਹ ਰੁਝਾਨ ਵਧਿਆ ਹੈ ਕਿ ਫਿਲਮਾਂ ਦੀ ਪ੍ਰੋਮੋਸ਼ਨ ਸਬੰਧੀ ਸੰਮੇਲਨ ਅਤੇ ਮਿਊਜ਼ਿਕ ਰਿਲੀਜ਼ ਸਮਾਰੋਹ ਲਾਈਵ ਹੋਣ। ਇਸ ਤੋਂ ਪਹਿਲਾਂ ਇਹੋ ਜਿਹੇ ਸਮਾਰੋਹ ਪੰਜ ਤਾਰਾ ਹੋਟਲਾਂ ਵਿਚ ਹੁੰਦੇ ਸਨ ਅਤੇ ਫਿਲਮ ਦੀ ਕਾਸਟ ਅਤੇ ਕਰਿਊ ਨਾਲ ਸੰਗੀਤਕਾਰ ਡਾਇਸ ‘ਤੇ ਬੈਠਦਾ ਸੀ। ਉਹ ਸਾਰੇ ਸੀ. ਡੀ. ਨਾਲ ਫੋਟੋ ਖਿਚਵਾਉਂਦੇ ਸਨ ਅਤੇ ਫਿਲਮ ਵਿਚੋਂ ਟਰੈਕ ਵੇਖਿਆ ਜਾਂਦਾ ਸੀ ਪਰ ਹੁਣ ਏਅਰਕੰਡੀਸ਼ਨਡ ਹਾਲਾਂ ਦੀ ਥਾਂ ਇਹ ਪ੍ਰੋਗਰਾਮ ਖੁੱਲ੍ਹੇ ਮੈਦਾਨਾਂ ਵਿਚ ਲਾਈਵ ਹੁੰਦੇ ਹਨ।
ਹਾਲੀਆ ਉਦਾਹਰਣਾਂ
ਬੀਤੇ ਮਹੀਨੇ ਰਣਬੀਰ ਕਪੂਰ ਦੀ ਫਿਲਮ ‘ਰੌਕਸਟਾਰ’ ਨੇ ਇਕ ਸ਼ੋਅ ਕੀਤਾ ਜਿਸ ਵਿਚ ਸੰਗੀਤਕਾਰ ਏ. ਆਰ. ਰਹਿਮਾਨ ਨੇ ਪ੍ਰੋਗਰਾਮ ਦਿੱਤਾ। ਉਸ ਤੋਂ ਬਾਅਦ ਦੇਸੀ ਬੁਆਇਜ਼ ਦੀ ਕਾਸਟ ਪੂਣੇ ਵਿਚ ਇਕ ਲਾਈਵ ਸ਼ੋਅ ਕੀਤਾ। ਇਸੇ ਤਰ੍ਹਾਂ ‘ਪੱਪੂ ਕੇਂਟ ਡਾਂਸ ਸਾਲਾ’ ਦੇ ਗਵੱਈਆ ਨੇ ਇਕ ਲਾਈਵ ਸ਼ੋਅ ਕੀਤਾ। ਫਿਲਮ ਪ੍ਰਮੋਸ਼ਨ ਲਈ ਕੀਤੇ ਲਾਈਵ ਸ਼ੋਅ ਦੀਆਂ ਇਕ ਕੁਝ ਮਿਸਾਲਾਂ ਹਨ। ‘ਪਲੇਅਰਜ਼’ ਦੀ ਡਾਇਰੈਕਟਰ ਜੋੜੀ ਅਬਾਸ ਮਸਤਾਨ ਦਾ ਕਹਿਣਾ ਹੈ ਕਿ ਉਹ ਇਕ ਇਤਨਾ ਵੱਡਾ ਸਮਾਗਮ ਕਰਨਾ ਚਾਹੁੰਦੇ ਸਨ ਜਿਨ੍ਹਾਂ ਪਹਿਲਾਂ ਕਦੇ ਨਾ ਹੋਇਆ ਹੋਵੇ ਅਤੇ ਅਸੀਂ ਸਾਰੇ ਐਕਟਰਾਂ ਦੇ ਕਰੈਕਟਰ ਸਕੈੱਚ ਪ੍ਰਗਟ ਕੀਤੇ ਤਾਂ ਕਿ ਦਰਸ਼ਕ ਫਿਲਮ ਨੂੰ ਬਿਹਤਰ ਸਮਝ ਸਕਣ। ਇਸੇ ਸਮਾਰੋਹ ਵਿਚ ਫਿਲਮ ਦਾ ਮਿਊਜ਼ਿਕ ਲਾਂਚ ਕੀਤਾ ਗਿਆ। ਫਿਲਮਸਾਜ਼ ਫਿਲਿਨ ਮਹਿਤਾ ਦਾ ਕਹਿਣਾ ਹੈ ਕਿ ਉਹ ਰਹਿਮਾਨ ਅਤੇ ਰਣਬੀਰ ਇਕੱਠੇ ਸਟੇਜ ‘ਤੇ ਪੇਸ਼ ਕਰਨਾ ਚਾਹੁੰਦਾ ਸੀ ਕਿਉਂਕਿ ਰਹਿਮਾਨ ਨੇ ਇਸ ਫਿਲਮ ਦਾ ਸੰਗੀਤ ਰਚਿਆ ਹੈ। ਫਿਲਮੀ ਵਿਸ਼ਲੇਸ਼ਣ-ਕਰਤਾਵਾਂ ਦਾ ਵਿਚਾਰ ਹੈ ਕਿ ਦਰਸ਼ਕਾਂ ਨਾਲ ਰਾਬਤਾ ਕਾਇਮ ਕਰਨ ਦਾ ਇਹ ਇਕ ਵਧੀਆ ਤਰੀਕਾ ਹੈ।