Close
Menu

ਓਮਾਨ ਦੌਰੇ ਨਾਲ ਦੁਵੱਲੇ ਸਬੰਧਾਂ ਨੂੰ ਮਿਲੇਗਾ ਹੁਲਾਰਾ: ਮੋਦੀ

-- 13 February,2018

ਮਸਕਟ, 13 ਫਰਵਰੀ,ਓਮਾਨ ਦੇ ਦੌਰੇ ਅਤੇ ਖਾੜੀ ਮੁਲਕਾਂ ਦੇ ਉੱਚ ਆਗੂਆਂ ਨਾਲ ਗੱਲਬਾਤ ਨਾਲ ਦੁਵੱਲੇ ਰਣਨੀਤਕ ਸਮਝੌਤਿਆਂ ਨੂੰ ਹੁਲਾਰਾ ਮਿਲੇਗਾ। ਇਹ ਗੱਲ ਪ੍ਰਧਾਨ ਮੰਤਰੀ ਨਰਿੰਦਰ ਨੇ ਅੱਜ ਕਹੀ। ਇਸ ਯਾਤਰਾ ਦੌਰਾਨ ਦੋਵਾਂ ਮੁਲਕਾਂ ਵਿਚਾਲੇ ਰੱਖਿਆ ਸਹਿਯੋਗ ਵਧਾਉਣ ਸਮੇਤ ਅੱਠ ਸਮਝੌਤੇ ਸਹੀਬੰਦ ਕੀਤੇ ਗਏ।
ਇਥੇ ਜਾਰੀ ਕੀਤੇ ਸਾਂਝੇ ਬਿਆਨ ਵਿੱਚ ਦੋਵਾਂ ਮੁਲਕਾਂ ਨੇ ਪਾਕਿਸਤਾਨ ਦਾ ਜ਼ਿਕਰ ਕੀਤੇ ਬਿਨਾਂ ਦਹਿਸ਼ਤੀ ਕਾਰਵਾਈਆਂ ਵਿੱਚ ਸੂਬਿਆਂ ਅਤੇ ਧੜਿਆਂ ਵੱਲੋਂ ਧਰਮ ਦੀ ਦੁਰਵਰਤੋਂ ਰੋਕਣ ਲਈ ਮਿਲ ਕੇ ਕੰਮ ਕਰਨ ਤੇ ਅਜਿਹੀ ਕਾਰਵਾਈ ਨੂੰ ਹੱਲਾ ਸ਼ੇਰੀ ਦੇਣ ਵਾਲਿਆਂ ਨੂੰ ਵੱਖ ਕਰਨ ਦਾ ਸੱਦਾ ਦਿੱਤਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਓਮਾਨ ਦੇ ਦੌਰੇ ਦੌਰਾਨ ਉਥੋਂ ਦੇ ਸੁਲਤਾਨ ਕਾਬੂਸ ਬਿਨ ਸੈਦ ਅਲ ਸੈਦ ਨਾਲ ਮੁਲਾਕਾਤ ਕੀਤੀ। ਦੋਵਾਂ ਨੇਤਾਵਾਂ ਨੇ ਪੱਛਮੀ ਅਤੇ ਦੱਖਣੀ ਏਸ਼ੀਆ ਦੇ ਸੁਰੱਖਿਆ ਹਾਲਾਤ ਸਮੇਤ ਸਾਂਝੇ ਹਿਤਾਂ ਨਾਲ ਸਬੰਧਤ ਖੇਤਰੀ ਅਤੇ ਕੌਮਾਂਤਰੀ ਮੁੱਦਿਆਂ ’ਤੇ ਚਰਚਾ ਕੀਤੀ। ਦੋਵਾਂ ਧਿਰਾਂ ਨੇ ਅਤਿਵਾਦ ਕਾਰਨ ਸ਼ਾਂਤੀ ਅਤੇ ਸੁਰੱਖਿਆ ਨੂੰ ਖਤਰਾ ਮੰਨਦਿਆਂ ਇਸ ਦੇ ਖਾਤਮੇ ਲਈ ਦੁਵੱਲੇ, ਖੇਤਰੀ ਅਤੇ ਆਲਮੀ ਪੱਧਰ ’ਤੇ ਮਿਲ ਕਰਨ ’ਤੇ ਸਹਿਮਤੀ ਜਤਾਈ। ਦੋਵਾਂ ਮੁਲਕਾਂ ਨੇ ਅਤਿਵਾਦੀ ਨੈਟਵਰਕ ਦੇ ਖਾਤਮ ਲਈ ਮਿਲ ਕੇ ਹੰਭਲਾ ਮਾਰਨ ’ਤੇ ਜ਼ੋਰ ਦਿੱਤਾ।  ਦੋਵਾਂ ਮੁਲਕਾਂ ਨੇ ਸਾਈਬਰ ਸਪੇਸ ਦੀ ਦੁਰਵਰਤੋਂ ’ਤੇ ਚਿੰਤਾ ਜ਼ਾਹਿਰ ਕਰਦਿਆਂ ਇਸ ਖੇਤਰ ਵਿੱਚ ਸਹਿਯੋਗ ਵਧਾਉਣ, ਤਿੰਨੇ ਸੁਰੱਖਿਆ ਫੌਜਾਂ ਦੀਆਂ ਸਾਂਝੀਆਂ ਮਸ਼ਕਾਂ ਨਾਲ ਸੁਰੱਖਿਆ ਸਬੰਧਾਂ ਨੂੰ ਹੁਲਾਰਾ ਦੇਣ ਤੇ ਖਾੜੀ ਅਤੇ ਹਿੰਦ ਮਹਾਸਾਗਰ ਇਲਾਕੇ ਵਿੱਚ ਜਲ ਸੁਰੱਖਿਆ ਵਿੱਚ ਸਹਿਯੋਗ ਵਧਾਉਣ ’ਤੇ ਸਹਿਮਤੀ ਵੀ ਜਤਾਈ।  ਸ੍ਰੀ ਮੋਦੀ ਨੇ ਖਣਿਜ, ਖਣਨ, ਨਿਰਮਾਣ, ਢੋਆ ਢੁਆਈ, ਬੁਨਿਆਦੀ ਢਾਂਚਾ, ਸੈਰਸਪਾਟਾ, ਖੇਤੀ, ਮੱਛੀ ਪਾਲਣ, ਆਈ ਟੀ ਅਤੇ ਆਈ ਟੀ ਅਧਾਰਤ ਸੇਵਾ, ਹੁਨਰ ਵਿਕਾਸ ਅਤੇ ਖੋਜ ਆਦਿ ਵਿੱਚ ਭਾਰਤ ਵੱਲੋਂ ਭਾਈਵਾਲੀ ਅਤੇ ਸਹਿਯੋਗ ਦੀ ਪੇਸ਼ਕਸ਼ ਕੀਤੀ। ਮੋਦੀ ਨੇ ਊਰਜਾ ਦੇ ਨਵਿਆਉਣਯੋਗ ਸਰੋਤਾਂ ਦੇ ਵਿਕਾਸ , ਜਿਵੇਂ ਸੋਲਰ ਅਤੇ ਹਵਾ ਊਰਜਾ ਬਾਰੇ ਭਾਰਤੀ ਤਰਜਬੇ ਅਤੇ ਸਮਰਥਾ ਦੀ ਸਾਂਝੀ ਕਰਨ ਦੀ ਪੇਸ਼ਕਸ਼ ਕੀਤੀ। ਦੋਵਾਂ ਮੁਲਕਾਂ ਨੇ ਸਿਹਤ ਅਤੇ ਸਨਅਤ ਦੇ ਖੇਤਰ ਵਿੱਚ ਮੌਕੇ ਵਧਾਉਣ ’ਤੇ ਵੀ ਸਹਿਮਤੀ ਜਤਾਈ। ਭਾਰਤ ਅਤੇ ਓਮਾਨ ਨੇ ਸੁਰੱਖਿਆ ਕੌਂਸਲ ਵਿਚੱ ਦੋਵੇਂ ਵਰਗਾਂ ਦੀ ਮੈਂਬਰਸ਼ਿਪ ਵਧਾਉਣ ਸਮੇਤ ਸੰਯੁਕਤ ਰਾਸ਼ਟਰ ਸੰਘ ਨੂੰ ਵਧੇਰੇ ਪ੍ਰਭਾਵਸ਼ਾਲੀ ਅਤੇ ਭਰੋਸੇਯੋਗ ਬਣਾਉਣ ਦੀ ਲੋੜ ’ਤੇ ਇਸ ਵਿੱਚ ਸੋਧ ਕਰਨ ’ਤੇ ਜ਼ੋਰ ਦਿੱਤਾ।
ਓਮਾਨ ਦੀ ਦੋ ਦਿਨਾਂ ਯਾਤਰਾ ਮੁਕੰਮਲ ਕਰਨ ਤੋਂ ਪਹਿਲਾਂ ਟਵੀਟ ਕਰਦਿਆਂ ਸ੍ਰੀ ਮੋਦੀ ਨੇ ਇਸ ਯਾਤਰਾ ਨੂੰ ਇਕ ਇਤਹਾਸਕ ਯਾਤਰਾ ਕਰਾਰ ਦਿੰਦਿਆਂ ਕਿਹਾ ਕਿ ਉਹ ਲੰਮੇਂ ਸਮੇਂ ਤਕ ਇਸ ਨੂੰ ਚੇਤੇ ਰੱਖਣੇ।    

ਮੋਦੀ ਨੇ 125 ਵਰ੍ਹੇ ਪੁਰਾਣੇ ਮੰਦਿਰ ਵਿੱਚ ਕੀਤੀ ਪੂਜਾ
ਮਸਕਟ: ਪ੍ਰਧਾਨ ਮੰਤਰੀ ਨੇ ਓਮਾਨ ਦੌਰੇ ਦੌਰਾਨ ਇਥੋਂ ਦੇ 125 ਵਰ੍ਹੇ ਪੁਰਾਣੇ ਸ਼ਿਵ ਮੰਦਿਰ ਵਿੱਚ ਪੂਜਾ ਅਰਚਨਾ ਕੀਤੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਇਥੇ ਪੂਜਾ ਕਰਕੇ ਅਥਾਹ ਸਕੂਨ ਮਿਲਿਆ ਹੈ। ਮੋਦੀ ਜੋ ਤਿੰੰਨ ਮੁਲਕਾਂ ਦੇ ਆਪਣੇ ਦੌਰੇ ਦੇ ਅੰਤਿਮ ਪੜਾਅ ਤਹਿਤ ਦੁਬਈ ਤੋਂ ਇਥੇ ਆਏ ਸੀ ਨੇ ਮਤਰਾਹ ਇਲਾਕੇ ਵਿੱਚ ਸਥਿਤ ਇਸ ਸ਼ਿਵ ਮੰਦਿਰ ਵਿੱਚ ਮੱਥਾ ਟੇਕਿਆ। ਉਨ੍ਹਾਂ ਮੰਦਿਰ ਪ੍ਰਸ਼ਾਸਨ ਦੇ ਪ੍ਰਬੰਧਕਾਂ ਤੇ ਭਾਰਤੀ ਭਾਈਚਾਰੇ ਦੇ ਲੋਕਾਂ ਨਾਲ ਫੋਟੋਆਂ ਵੀ ਖਿਚਵਾਈਆਂ। ਉਨ੍ਹਾਂ ਸੁਲਤਾਨ ਕਾਬੂਸ ਮਸਜਿਦ ਦਾ ਦੌਰਾ ਵੀ ਕੀਤਾ ਜੋ ਓਮਾਨ ਦੀ ਮੁੱਖ ਮਸਜਿਦ ਹੈ। 

Facebook Comment
Project by : XtremeStudioz