ਉੱਚਿਤ ਵਿਚਾਰ ਤੋਂ ਬਾਅਦ ਮਹਾਦੋਸ਼ ਪ੍ਰਸਤਾਵ ਖਾਰਜ ਕਰਨ ਦਾ ਫੈਸਲਾ ਕੀਤਾ- ਨਾਇਡੂ

ਨਵੀਂ ਦਿੱਲੀ— ਰਾਜ ਸਭਾ ਦੇ ਡਿਪਟੀ ਸਪੀਕਰ ਐੱਮ. ਵੈਂਕਈਆ ਨਾਇਡੂ ਨੇ ਮੰਗਲਵਾਰ ਨੂੰ ਕਿਹਾ ਕਿ ਭਾਰਤ ਦੇ ਚੀਫ ਜਸਟਿਸ (ਸੀ.ਜੇ.ਆਈ.) ਦੀਪਕ ਮਿਸ਼ਰਾ ਦੇ ਖਿਲਾਫ ਵਿਰੋਧੀ ਧਿਰ ਦੇ ਮਹਾਦੋਸ਼ ਪ੍ਰਸਤਾਵ ਦੇ ਨੋਟਿਸ ਨੂੰ ਖਾਰਜ ਕਰਨ ਦਾ ਉਨ੍ਹਾਂ ਦਾ ਫੈਸਲਾ ਇਕ ਮਹੀਨੇ ਤੋਂ ਵਧ ਦੇ ਸੋਚ ਵਿਚਾਰ ਤੋਂ ਬਾਅਦ ਲਿਆ ਗਿਆ। ਮਹਾਦੋਸ਼ ਪ੍ਰਸਤਾਵ ਖਾਰਜ ਕਰਨ ਦੇ ਇਕ ਦਿਨ ਬਾਅਦ ਸੂਤਰਾਂ ਨੇ ਨਾਇਡੂ ਦੇ ਹਵਾਲੇ ਤੋਂ ਕਿਹਾ,”ਹਰ ਵਿਅਕਤੀ ਦੀ ਆਜ਼ਾਦੀ ਇਸ ਦੀ ਮਨਜ਼ੂਰੀ ਦਿੰਦੀ ਹੈ ਪਰ ਆਖਰਕਾਰ ਸੱਚ ਦੀ ਜਿੱਤ ਹੁੰਦੀ ਹੈ। ਮੇਰੇ ਤੋਂ ਜੋ ਉਮੀਦ ਕੀਤੀ ਜਾਂਦੀ ਸੀ, ਉਹ ਨਿਆਂਪੂਰਨ ਕੰਮ ਮੈਂ ਬਿਹਤਰੀਨ ਤਰੀਕੇ ਨਾ ਕੀਤਾ।” ਉਨ੍ਹਾਂ ਨੇ ਕਿਹਾ ਕਿ ਸੰਵਿਧਾਨ ਅਤੇ ਜਸਟਿਸ ਜਾਂਚ ਕਾਨੂੰਨ 1968 ਦੇ ਪ੍ਰਬੰਧਾਂ ਦੀ ਸਖਤੀ ਨਾਲ ਪਾਲਣਾ ਕਰਦੇ ਹੋਏ ਉਨ੍ਹਾਂ ਨੇ ਫੈਸਲਾ ਕੀਤਾ।

ਸੁਪਰੀਮ ਕੋਰਟ ਦੇ 10 ਵਕੀਲਾਂ ਦੇ ਇਕ ਸਮੂਹ ਨੂੰ ਨਾਇਡੂ ਨੇ ਕਿਹਾ,”ਮੈਂ ਆਪਣਾ ਕੰਮ ਕੀਤਾ ਹੈ ਅਤੇ ਮੈਂ ਇਸ ਤੋਂ ਸੰਤੁਸ਼ਟ ਹਾਂ।” ਇਹ ਵਕੀਲ ਮਹਾਦੋਸ਼ ਪ੍ਰਸਤਾਵ ਖਾਰਜ ਕਰਨ ਦੇ ਫੈਸਲੇ ‘ਤੇ ਨਾਇਡੂ ਨੂੰ ਵਧਾਈ ਦੇਣ ਲਈ ਆਏ ਸਨ। ਨਾਇਡੂ ਨੇ ਵਕੀਲਾਂ ਨੂੰ ਕਿਹਾ ਕਿ ਰਾਜ ਸਭਾ ਦੇ ਡਿਪਟੀ ਸਪੀਕਰ ਦਾ ਦਫ਼ਤਰ ਸਿਰਫ ਡਾਕਘਰ ਨਹੀਂ ਹੈ ਸਗੋਂ ਇਕ ਸੰਵਿਧਾਨਕ ਸੰਸਥਾ ਵੀ ਹੈ ਜੋ ਉੱਪ ਰਾਸ਼ਟਰਪਤੀ ਵੀ ਹਨ। ਸੂਤਰਾਂ ਅਨੁਸਾਰ ਨਾਇਡੂ ਨੇ ਕਿਹਾ ਕਿ ਸੀ.ਜੇ.ਆਈ. ਦੇਸ਼ ਦੇ ਸਰਵਉੱਚ ਨਿਆਇਕ ਅਹੁਦਾ ਅਧਿਕਾਰੀ ਹਨ ਅਤੇ ਉਨ੍ਹਾਂ ਨਾਲ ਜੁੜਿਆ ਕੋਈ ਵੀ ਮੁੱਦਾ ਜੇਕਰ ਜਨਤਕ ਤੌਰ ‘ਤੇ ਆਉਂਦਾ ਹੈ ਤਾਂ ਉਸ ਨੂੰ ਤੈਅ ਪ੍ਰਕਿਰਿਆਵਾਂ ਅਨੁਸਾਰ ਜਲਦ ਤੋਂ ਜਲਦ ਸੁਲਝਾਉਣ ਦੀ ਲੋੜ ਹੈ ਤਾਂ ਕਿ ਮਾਹੌਲ ਨੂੰ ਜ਼ਿਆਦਾ ਖਰਾਬ ਹੋਣ ਤੋਂ ਰੋਕਿਆ ਜਾਵੇ।” ਨਾਇਡੂ ਨੇ ਸੋਮਵਾਰ ਨੂੰ ਕਾਂਗਰਸ ਸਮੇਤ 7 ਵਿਰੋਧੀ ਪਾਰਟੀਆਂ ਵੱਲੋਂ ਦਿੱਤੇ ਗਏ ਮਹਾਦੋਸ਼ ਪ੍ਰਸਤਾਵ ਦੇ ਨੋਟਿਸ ਨੂੰ ਖਾਰਜ ਕਰ ਦਿੱਤਾ ਸੀ। ਕਾਂਗਰਸ ਨੇ ਉਨ੍ਹਾਂ ਦੇ ਫੈਸਲੇ ਨੂੰ ਗੈਰ-ਕਾਨੂੰਨੀ ਅਤੇ ਜਲਦਬਾਜ਼ੀ ‘ਚ ਚੁੱਕਿਆ ਗਿਆ ਕਦਮ ਦੱਸਿਆ ਸੀ।