Close
Menu

ਦੀਵਾ

-- 08 September,2015

ਦੀਵਾ ਤੇਰੀ ਰਹਿਮਤ ਦਾ
ਬਲਦਾ ਹੈ ਨਿਸਦਿਨ
ਮੇਰੀ ਹਿੱਕ ਅੰਦਰ

ਲਾਟ ਯਾਦਾਂ ਦੀ
ਦੇਵੇ ਨਿੱਘ ਦਿਲ ਨੂੰ
ਬੱਦਲੀ ਬੀਤੇ ਦੀ ਵਰ੍ਹੇ ਜਦ
ਮੇਰੀ ਹਿੱਕ ਅੰਦਰ

ਪਵੇ ਧੂੰਆਂ ਤੇ ਡਿੱਗਣ ਹੰਝੂ
ਤੇਲ ਆਸਾਂ ਦਾ ਬਲੇ ਜਦ
ਮੇਰੀ ਹਿੱਕ ਅੰਦਰ

ਆਵੇ ਬੁੱਲਾ ਹਉਕਿਆਂ ਦਾ
ਕੰਬ ਜਾਂਦੀ ਹੈ ਲਾਟ
ਪੈਂਦਾ ਹੈ ਸਾੜ
ਮੇਰੀ ਹਿੱਕ ਅੰਦਰ

ਬੱਤੀ ਜ਼ਿੰਦਗੀ ਦੀ
ਜਾਵੇ ਮੁੱਕਦੀ ਤਿਲ਼ ਤਿਲ਼
ਉੱਠੇ ਲਹਿਰ ਖੁਸ਼ੀ ਦੀ
ਮੇਰੀ ਹਿੱਕ ਅੰਦਰ

ਗੁਰਸ਼ਰਨ ਸਿੰਘ, ਬ੍ਰਿਸਬੇਨ, ਆਸਟਰੇਲੀਆ

Facebook Comment
Project by : XtremeStudioz