ਫ੍ਰੈਂਚ ਓਪਨ ਤੋਂ ਪਹਿਲਾਂ ਮਰੇ ਹੋਏ ਬੀਮਾਰ

ਪੈਰਿਸ— ਇਸ ਸਾਲ ਖਰਾਬ ਲੈਅ ਨਾਲ ਜੂਝ ਰਹੇ ਨੰਬਰ ਇਕ ਖਿਡਾਰੀ ਬ੍ਰਿਟੇਨ ਦੇ ਐਂਡੀ ਮਰੇ ਮਹੀਨੇ ਦੇ ਅੰਤ ‘ਚ ਸ਼ੁਰੂ ਹੋ ਰਹੇ ਦੂਜੇ ਗ੍ਰੈਂਡ ਸਲੈਮ ਫ੍ਰੈਂਚ ਓਪਨ ਤੋਂ ਪਹਿਲਾਂ ਬੀਮਾਰ ਹੋ ਗਏ ਹਨ। ਰਿਪੋਰਟਾਂ ਮੁਤਾਬਕ ਮਰੇ ਇਸ ਸਮੇਂ ਬੀਮਾਰ ਹਨ। ਹਾਲਾਂਕਿ ਉਹ ਠੀਕ ਹੋਣ ਦੀ ਕਾਫੀ ਕੋਸ਼ਿਸ਼ ਕਰ ਰਹੇ ਹਨ। ਉਨ੍ਹਾਂ ਹਲਕਾ ਅਭਿਆਸ ਵੀ ਕੀਤਾ ਹੈ ਅਤੇ ਟੂਰਨਾਮੈਂਟ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਪੱਤਰਕਾਰਾਂ ਨੂੰ ਸੰਬੋਧਨ ਕਰਨਗੇ।
ਮਰੇ ਲਈ ਲੈਅ ਅਤੇ ਸੱਟਾਂ ਦੇ ਹਿਸਾਬ ਨਾਲ ਇਹ ਸਾਲ ਚੰਗਾ ਨਹੀਂ ਰਿਹਾ। ਉਨ੍ਹਾਂ ਨੂੰ ਫਰਵਰੀ ਦੀ ਸੱਟ ਤੋਂ ਬਾਅਦ ਮਾਰਚ ‘ਚ ਕੂਹਣੀ ਦੀ ਸੱਟ ਨਾਲ ਜੂਝਣਾ ਪਿਆ ਸੀ। ਇਸੇ ਕਾਰਨ ਉਹ ਮਿਆਮੀ ਓਪਨ ਅਤੇ ਡੇਵਿਸ ਕੱਪ ਟਾਈ ‘ਚ ਨਹੀਂ ਖੇਡ ਸਕੇ ਸਨ। ਚੋਟੀ ਦਾ ਦਰਜਾ ਪ੍ਰਾਪਤ ਮਰੇ ਨੂੰ ਇਸ ਸਾਲ ਕਈ ਉਲਟਫੇਰਾਂ ਦਾ ਸ਼ਿਕਾਰ ਵੀ ਹੋਣਾ ਪਿਆ ਜਿਸ ਨਾਲ ਉਨ੍ਹਾਂ ਦੀ ਨੰਬਰ ਵਨ ਕੁਰਸੀ ਵੀ ਖਤਰੇ ‘ਚ ਆ ਗਈ ਹੈ। ਫ੍ਰੈਂਚ ਓਪਨ ਦੇ ਮੁੱਖ ਡਰਾਅ ਦੀ ਸ਼ੁਰੂਆਤ 28 ਮਈ ਤੋਂ ਹੋ ਰਹੀ ਹੈ।