Close
Menu

ਮੈਂ ਜੁੱਤੀ ਹਾਂ

-- 09 August,2013

1790264145_19ad605784

ਮੈਂ ਜੁੱਤੀ ਹਾਂ , ਪੈਰਾਂ ਵਿੱਚ ਪਾਉਣ ਵਾਲੀ ,
ਪੈਰੀਂ ਪਾ ਪਾ ਚਾਹੇ ਘਸਾ ਲਿਆ ਕਰ ।
ਕੰਡੇ, ਰੋੜੀਆਂ , ਤਪਦਿਆਂ ਰੇਤਿਆਂ ਤੋਂ,
ਪੈਰੀ ਚੁਭਨ ਤੇ ਸੜਨ ਤੋਂ ਪਾ ਲਿਆ ਕਰ ।
ਜੇਬਕਤਰਿਆਂ, ਭੂਤਰਿਆਂ ਆਸ਼ਕਾਂ ਲਈ,
ਲੋੜ ਪੈਣ ਤੇ ਪੈਰਾਂ ਚੋ ਲਾਹ ਲਿਆ ਕਰ ।
ਠੁੱਕ ਮਾਰ ਤੂੰ ਬਿਗੜਿਆਂ ਅਫ਼ਸਰਾਂ ਦੇ ,
ਰਿਸ਼ਵਤਖੋਰਾਂ ਲਈਂ ਸੇਵਾਂ ਕਰਵਾ ਲਿਆ ਕਰ ।
ਦਾਜ ਮੰਗਦੀਆਂ, ਭਰੂਣਾਂ ਦੀਆਂ ਕਾਤਲਾਂ ਜੋ,
ਨੂੰਹਾਂ ਸੱਸਾਂ ਤੇ ਭਾਵੇਂ ਵਰਸਾ ਲਿਆ ਕਰ ।
ਗੈਰਤਮੰਦ ਹਾਂ ,ਮੇਰੀ ਵੀ ਹੈ ਇੱਜ਼ਤ ,
ਕੁੱਝ ਤਰਸ ਖਾ ਮਨ ਸਮਝਾ ਲਿਆ ਕਰ ।
ਨੇਤਾਂ ਲੋਕਾਂ ਵੱਲ ਮਾਰਦੈ ਸ਼ਰਮ ਆਵੇ ,
ਸੜੇ ਆਂਡੇ ,ਟਮਾਟਰ ਮੰਗਵਾ ਲਿਆ ਕਰ ।
ਗਾਰੇ ਚਿੱਕੜ ਵਿੱਚ ਮਿੱਧ ਲੈ ਬੋਲਦੀ ਨਾ,
ਚਿੱਕੜ ਸਿਆਸਤ ਦੇ ਵੱਲੋਂ ਬਚਾ ਲਿਆ ਕਰ ।
‘ਜੁੱਤੀ ਜਾਤ’ ਨੂੰ ਬੰਦਿਆ ਸ਼ਰਮ ਆਵੇ ,
ਸ਼ਰਮ ਤੂੰ ਵੀ ‘ਘੁਮਾਣ’ ਕੁੱਝ ਖਾ ਲਿਆ ਕਰ ॥

Facebook Comment
Project by : XtremeStudioz