Close
Menu

ਸ਼ਾਸਤਰੀ ਦੀ ਸੋਚ ‘ਤੇ ਟਿੱਪਣੀ ਕਰਨ ‘ਚ ਮੇਰੀ ਕੋਈ ਦਿਲਚਸਪੀ ਨਹੀਂ: ਦ੍ਰਾਵਿੜ

-- 21 September,2018

ਨਵੀਂ ਦਿੱਲੀ— ਸਾਬਕਾ ਭਾਰਤੀ ਕਪਤਾਨ ਰਾਹੁਲ ਦ੍ਰਵਿੜ ਨੇ ਮੁੱਖ ਕੋਚ ਰਵੀ ਸ਼ਾਸਤਰੀ ਦੇ ਇੰਗਲੈਂਡ ਦੌਰੇ ‘ਤੇ ‘ਸਭ ਤੋਂ ਵਧੀਆ ਟੀਮ’ ਸਬੰਧੀ ਬਿਆਨ ‘ਤੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਨ੍ਹਾਂ ਲਈ ਇਹ ਮਾਇਨੇ ਨਹੀਂ ਰੱਖਦਾ ਹੈ ਕਿ ਕੋਣ ਸਭ ਤੋਂ ਵਧੀਆ ਹੈ ਅਤੇ ਕੋਣ ਨਹੀਂ, ਕਿਉਂਕਿ ਹਜੇ ਜ਼ਿਆਦਾ ਮਹੱਤਵਪੂਰਨ ਇਹ ਹੈ ਕਿ ਟੀਮ ਨੇ ਉਸ ਤੋਂ ਕੀ ਸਿੱਖ ਲਈ ਹੈ ਅਤੇ ਅੱਗੇ ਕਿਵੇਂ ਵੱਧਣਾ ਹੈ। ਭਾਰਤੀ ਟੀਮ ਨੂੰ ਹਾਲ ਦੇ ਇੰਗਲੈਂਡ ਦੌਰੇ ‘ਚ ਪੰਜ ਮੈਚਾਂ ਦੀ ਸੀਰੀਜ਼ ‘ਚ 1-4 ਤੋਂ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ, ਪਰ ਸ਼ਾਸਤਰੀ ਨੇ ਇਸ ਵਿਚਕਾਰ ਇਹ ਕਹਿ ਕੇ ਨਵੀਂ ਬਹਿਸ ਛੇਡ ਦਿੱਤੀ ਸੀ ਕਿ ਵਿਰਾਟ ਕੋਹਲੀ ਦੀ ਅਗੁਵਾਈ ਵਾਲੀ ਟੀਮ ਪਿਛਲੇ 15-20 ਸਾਲਾਂ ‘ਚ ਸਭ ਤੋਂ ਵਧੀਆ ਟੀਮ ਹੈ। ਸੁਨੀਲ ਗਾਵਸਕਰ ਸਮੇਤ ਕਈ ਸਾਬਕਾ ਕ੍ਰਿਕਟਰਾਂ ਨੇ ਉਨ੍ਹਾਂ ਦੇ ਇਸ ਬਿਆਨ ਦੀ ਆਲੋਚਨਾ ਕੀਤੀ ਸੀ। ਭਾਰਤ ਨੇ ਇੰਗਲੈਂਡ ‘ਚ ਪਿਛਲੀ ਵਾਰ ਟੈਸਟ ਸੀਰੀਜ਼ 2007 ‘ਚ ਜਿੱਤੀ ਸੀ ਅਤੇ ਉਦੋਂ ਦ੍ਰਾਵਿੜ ਕਪਤਾਨ ਸਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਸ਼ਾਸਤਰੀ ਦੇ ਬਿਆਨ ਨੂੰ ਵਧਾ ਚੜਾ ਕੇ ਪੇਸ਼ ਕਰ ਦਿੱਤਾ ਗਿਆ।

-ਟੀਮ ਮੌਕੇ ਦਾ ਫਾਇਦਾ ਨਹੀਂ ਉਠਾ ਪਾਈ
ਉਨ੍ਹਾਂ ਦਾ ਕਹਿਣਾ ਹੈ ਕਿ ਸ਼ਾਸਤਰੀ ਕੀ ਸੋਚਦੇ ਹਨ ਅਤੇ ਕੀ ਨਹੀਂ, ਇਸ ‘ਤੇ ਟਿੱਪਣੀ ਕਰਨ ‘ਚ ਮੇਰੀ ਕੋਈ ਦਿਲਚਸਪੀ ਨਹੀਂ ਹੈ। ਮਹੱਤਵਪੂਰਨ ਇਹ ਹੈ ਕਿ ਅਸੀਂ ਇਨ੍ਹਾਂ ਸਭ ਚੀਜ਼ਾਂ ਤੋਂ ਕੀ ਸਿੱੱਖਿਆ ਹੈ ਅਤੇ ਅਗਲੀ ਵਾਰ ਦੌਰਾ ਕਰਨ ਲਈ ਸਾਨੂੰ ਕੀ ਕਰਨਾ ਚਾਹੀਦਾ ਹੈ, ਦ੍ਰਾਵਿੜ ਨੇ ਹਾਲਾਂਕਿ ਸਵੀਕਾਰ ਕੀਤਾ ਕਿ ਭਾਰਤੀ ਟੀਮ ਵਿਸ਼ੇਸ਼ਕਰ ਗੇਂਦਬਾਜ਼ੀ ਹਮਲਵਾਰ ਬਹੁਤ ਚੰਗਾ ਹੈ, ਪਰ ਮੌਕਿਆਂ ਦਾ ਫਾਇਦਾ ਨਹੀਂ ਉਠਾ ਪਾਉਣ ਦੇ ਕਾਰਣ ਉਸ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਤਿੰਨ ਜਾਂ ਚਾਰ ਸਾਲ ‘ਚ ਇਕ ਵਾਰ ਇੰਗਲੈਂਡ ਦੌਰਾ ਕਰਨ ਦਾ ਮੌਕਾ ਮਿਲਦਾ ਹੈ ਅਤੇ ਖਿਡਾਰੀਆਂ ਅਤੇ ਕੋਚਿੰਗ ਸਟਾਫ ਨੂੰ ਵੀ ਨਿਰਾਸ਼ਾ ਹੁੰਦੀ ਹੈ ਕਿਉਂ ਕਿ ਕੋਈ ਨਹੀਂ ਜਾਣਦਾ ਕਿ ਅਗਲੇ ਚਾਰ ਸਾਲਾਂ ‘ਚ ਕੀ ਹੋਵੇਗਾ। ਇਸ ਵਾਰ ਵਾਸਤਵ ‘ਚ ਸਾਡੀ ਟੀਮ ਚੰਗੀ ਸੀ, ਸਾਡਾ ਗੇਂਦਬਾਜ਼ੀ ਹਮਲਾ ਬੇਜੋੜ ਸੀ। ਦ੍ਰਾਵਿੜ ਯੂ.ਏ.ਈ. ‘ਚ ਚੱਲ ਰਹੇ ਏਸ਼ੀਆ ਕੱਪ ਦੇ ਬਾਰੇ ‘ਚ ਕਿਹਾ ਕਿ ਵਾਸਤਵ ‘ਚ ਟੂਰਨਾਮੈਂਟ ‘ਚ ਪੂਰਾ ਧਿਆਨ ਪਾਕਿਸਤਾਨ ‘ਤੇ ਕੇਂਦਰਿਤ ਕੀਤਾ ਜਾ ਰਿਹਾ ਹੈ, ਪਰ ਬੰਗਲਾਦੇਸ਼ ਅਤੇ ਅਫਗਾਨਿਸਤਾਨ ਵੀ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ ਸਾਨੂੰ ਕਈ ਟੀਮਾਂ ਤੋਂ ਵੀ ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ।

Facebook Comment
Project by : XtremeStudioz