780-463-8800
[email protected]
ਦਰਦ ਤਦ ਨਹੀ ਹੁੰਦਾ ਜਦੋਂ ਕੋਈ ਦਰਦ ਦਿੰਦਾ ਹੈ ,
ਦਰਦ ਤਦੋਂ ਹੁੰਦਾ ਹੈ ਜਦੋਂ ਰਿਸ਼ਤਾ ਦਰਦ ਦਿੰਦਾ ਹੈ ।
ਮੰਨਦੇ ਹਾਂ ਦਰਦ ਦੀ ਹਰ ਗਹਿਰਾਈ ਗਹਿਰੀ ਹੁੰਦੀ,
ਦਰਦ ਦਾ ਰੰਗ ਨਹੀਂ ਚਿਹਰਾ ਪਰ ਜ਼ਰਦ ਹੁੰਦਾ ਹੈ ।
ਦੋਸਤੀ ਬੁਲੰਦ ਹਸਤੀ ਹਰ ਇੱਕ ਨੂੰ ਨਹੀਂ ਮਿ਼ਲਦੀ ,
ਜੇ ਕੋਈ ਨਿਭਾਵੇ ਦੋਸਤੀ ਤਦ ਕੋਈ ਮਰਦ ਹੁੰਦਾ ਹੈ ।
ਹਰ ਰਿਸ਼ਤੇ ਦੀ ਜੱਗ ਨੂੰ ਜੇ ਦੁਵੱਲੀ ਲੋੜ ਰਹਿੰਦੀ ,
ਮੁਬਾਰਕਾਂ ! ਪਰ ਹਰ ਰਿਸ਼ਤਾ ਖੁਦਗ਼ਰਜ਼ ਹੁੰਦਾ ਹੈ ।
ਹੱਥੀਂ ਪਾਲ ਲਵੋ ਕੋਈ ਬੂਟਾ ਫਲ ਦੇਵੇਗਾ ਨਾਲੇ ਛਾਂ,
ਮੋਹ-ਮੁਹੱਬਤ ਵਾਲੀ ‘ਵਾਅ ਸੀਨਾ ਸਰਦ ਹੁੰਦਾ ਹੈ ।
ਵਣ-ਵਣ ਦੀ ਲੱਕੜੀ ਮਿਲ ਕੇ ਦੋਸਤੀ ਬਣ ਜਾਂਦੀ ,
ਸੰਵਰ ਜਾਂਦੀ ਜ਼ਿੰਦਗੀ ਨਾ ਦਿਲ ‘ਚ ਭਰਮ ਹੁੰਦਾ ਹੈ ।
ਪੜ੍ਹ ਦੇ ਹਰ ਰਿਸ਼ਤੇ ਦਾ ਮਰਸੀਅ ਖਤਮ ਕਰ ਗੱਲ ,
ਰਿਹਾ ਪੈਰ-ਪੈਰ ‘ਤੇ ਤੈਨੂੰ ਸਦਾ ਜੋ ਦਰਦ ਦਿੰਦਾ ਹੈ ।
ਮਨਦੀਪ ਕੌਰ ਭੰਮਰਾ, ਲੁਧਿਆਣਾ
