780-463-8800
[email protected]
ਚੁੰਨੀ ਸਿਰ ਦਾ ਮਾਨ ਨੀ ਕੁੜੀਏ,
ਚੁੰਨੀ ਸਿਰ ਦੀ ਸ਼ਾਨ ਨੀ ਕੁੜੀਏ।
ਸਿਰ ਤੇ ਭਾਰ ਕਦੇ ਨਾ ਸਮਝੀ ,
ਇਹੀ ਤੇਰੀ ਆਨ ਨੀ ਕੁੜੀਏ।
ਇਸ ਪੱਲੇ ਇਖ਼ਲਾਕੀ ਕਦਰਾਂ ,
ਸਮਝੀ ਜਿੰਦ-ਜਾਨ ਨੀ ਕੁੜੀਏ।
ਇਕ ਪ੍ਰਦੇਸ਼ਣ ਕੋਇਲ ਬੋਲੇ ,
ਇਹ ਮਾਹੀ ਦੀ ਹਾਣ ਨੀ ਕੁੜੀਏ।
ਤੇਰੀ ਚੁੰਨੀ ਸਭ ਦੁਨੀਆਂ ਦੇਖੇ ,
ਤੂੰ ਪੰਜਾਬ ਦੀ ਖਾਨ ਨੀ ਕੁੜੀਏ।
ਕੁੜੀਆਂ ਦੇ ਸਿਰ ਚੁੰਨੀ ਸੋਂਹਦੀ ,
ਚੁੁੰਨੀ ਹੀ ਮੁਸਕਾਨ ਨੀ ਕੁੜੀਏ।
ਸ਼ੇਰਨੀਆਂ ਦਾ ਜਿਗਰਾ ਰੱਖ ਕੇ ,
ਰੋਕ ਹੁਣ ਤੁਫ਼ਾਨ ਨੀ ਕੁੜੀਏ।
ਰਾਮ ਲਾਲ ਭਗਤ, ਹੁਸ਼ਿਆਰਪੁਰ
