780-463-8800
[email protected]
ਪਾਣੀ ਪੰਜ ਦਰਿਆਵਾਂ ਦੇ ।
ਵਾਘੇ ਦੀ ਲਕੀਰ ਮਿਟ ਜਾਏ , ਮੇਲ ਹੋਣ ਭਰਾਵਾਂ ਦੇ ।
ਸੁਣ ਅਰਜ਼ ਨਿਮਾਣੇ ਦੀ ।
ਆਸ ਮੇਰੀ ਪੂਰੀ ਕਰ ਦੇ , ਮਿੱਟੀ ਚੁੰਮਾ ਨਨਕਾਣੇ ਦੀ ।
ਪਿਆਰ ਜ਼ਿੰਦਗੀ ਦਾ ਗਹਿਣਾ ਏ ।
ਜੱਗ ਸਾਨੂੰ ਲੱਖ ਰੋਕੇ , ਅਸੀਂ ਮਿਲ ਕੇ ਰਹਿਣਾ ਏ ।
ਖੰਭ ਟੁੱਟ ਗਏ ਕਾਂਵਾਂ ਦੇ ।
ਗੋਰਿਆਂ ਦਾ ਕੀ ਜਾਣਾ , ਪੁੱਤ ਮਰਨੇ ਮਾਂਵਾਂ ਦੇ ।
ਸੁੱਚੇ ਬੋਲ ਫਕੀਰਾਂ ਦੇ ।
ਹਿੰਦ-ਪਾਕਿ ਗਾਈਏ ਮਿਲਕੇ , ਬੋਲ ਰਾਂਝੇ ਹੀਰਾਂ ਦੇ ।
ਰਾਝਾਂ ਤਖ਼ਤ ਹਜ਼ਾਰੇ ਦਾ ।
ਪਿਆਰ ਵਾਲਾ ਰੰਗ ਗੂੜ੍ਹਾ , ਹੋਕਾ ਸੁਣ ਵਣਜਾਰੇ ਦਾ ।
ਪੰਜਾਬੀ ਅੱਖਾਂ ਵਰੀਆਂ ਨੇ ।
ਬਿੱਲਿਆਂ ਨੇ ਖੇਡੇ ਕੰਗਣੇ , ਅਸੀਂ ਨ੍ਹੇਰੀਆਂ ਜਰੀਆਂ ਨੇ ।
ਮੇਰਾ ਮਾਹੀਆ ਗਾਉਂਦਾ ਏ ।
ਰੱਬਾ ਸਾਨੂੰ ਜੋੜ ਮੁੜਕੇ , ਦਿਲ ਤਰਲੇ ਪਾਉਂਦਾ ਏ ।
ਸ: ਸੁਰਿੰਦਰ
