ਆਪ ਵਿਧਾਇਕ ‘ਤੇ ਹਮਲਾ: ਭਾਜਪਾ ਦੇ ਓਪੀ ਸ਼ਰਮਾ ਨੂੰ ਫਿਰ ਤੋਂ ਹਾਜ਼ਰ ਹੋਣ ਨੂੰ ਕਿਹਾ

ਨਵੀਂ ਦਿੱਲੀ, ਦਿੱਲੀ ਮਹਿਲਾ ਕਮਿਸ਼ਨ ‘ਚ ਦੋਸ਼ਾਂ ਪ੍ਰਤੀਰੋਪਾਂ ਦਾ ਦੌਰ ਜਾਰੀ ਰਿਹਾ, ਕਿਉਂਕਿ ਭਾਜਪਾ ਵਿਧਾਇਕ ਓਪੀ ਸ਼ਰਮਾ ਨੇ ਇਸਦੀ ਪ੍ਰਮੁੱਖ ਸਵਾਤੀ ਮਾਲੀਵਾਲ ‘ਤੇ ਪੱਖਪਾਤ ਕਰਨ ਦਾ ਇਲਜ਼ਾਮ ਲਗਾਇਆ ਤੇ ਸੁਣਵਾਈ ਛੱਡ ਕੇ ਚਲੇ ਗਏ। ਆਪ ਵਿਧਾਇਕ ਅਲਕਾ ਲਾਂਬਾ ਦੇ ਖ਼ਿਲਾਫ਼ ਅਪਸ਼ਬਦ ਬੋਲਣ ਨੂੰ ਲੈ ਕੇ ਸ਼ਰਮਾ ਦੇ ਖ਼ਿਲਾਫ਼ ਕਮਿਸ਼ਨ ‘ਚ ਦਰਜ ਸ਼ਿਕਾਇਤ ਦੇ ਆਧਾਰ ‘ਤੇ ਉਨ੍ਹਾਂ ਨੂੰ ਸੁਣਵਾਈ ਲਈ ਬੁਲਾਇਆ ਗਿਆ ਸੀ। ਦਿੱਲੀ ਮਹਿਲਾ ਕਮਿਸ਼ਨ ( ਡੀਸੀਡਬਲਿਊ ) ਦੀ ਪ੍ਰਧਾਨ ਨੇ 24 ਅਗਸਤ ਨੂੰ ਸ਼ਰਮਾ ਨੂੰ ਫਿਰ ਤੋਂ ਪੇਸ਼ ਹੋਣ ਨੂੰ ਕਿਹਾ ਹੈ। ਡੀਸੀਡਬਲਿਊ ਦੇ ਸੂਤਰਾਂ ਨੇ ਦੱਸਿਆ ਕਿ ਲਾਂਬਾ ਦੇ ਖ਼ਿਲਾਫ਼ ਇਸਤੇਮਾਲ ਕੀਤੇ ਗਏ ਸ਼ਬਦਾਂ ਬਾਰੇ ‘ਚ ਪੁੱਛੇ ਜਾਣ ਤੇ ਇਹ ਪੁੱਛੇ ਜਾਣ ‘ਤੇ ਕਿ, ਕੀ ਉਹ ਇਸਦੇ ਲਈ ਸ਼ਰਮਿੰਦਾ ਹਨ, ਇਸ ‘ਤੇ ਭਾਜਪਾ ਵਿਧਾਇਕ ਨੇ ਪ੍ਰਤੀਕਿਰਿਆ ‘ਚ ਕਿਹਾ ਕਿ ਉਹ ਇੱਕ ਵਿਧਾਇਕ ਹੈ ਤੇ ਉਨ੍ਹਾਂ ਨੂੰ ਇਹ ਨਹੀਂ ਦੱਸਿਆ ਜਾ ਸਕਦਾ ਕਿ ਉਨ੍ਹਾਂ ਨੂੰ ਕਿਸ ਤਰ੍ਹਾਂ ਬੋਲਣਾ ਚਾਹੀਦਾ ਹੈ। ਉਨ੍ਹਾਂ ਦੀ ਇਸ ਪ੍ਰਤੀਕਿਰਿਆ ਤੋਂ ਨਾਰਾਜ਼ ਮਾਲੀਵਾਲ ਨੇ ਸ਼ਰਮਾ ਨੂੰ ਇਹ ਸਭ ਇੱਕ ਹਲਫ਼ਨਾਮੇ ‘ਤੇ ਲਿਖ ਕੇ ਦੇਣ ਨੂੰ ਕਿਹਾ।