ਨਵੀਂ ਦਿੱਲੀ, ਕਾਲੇਧਨ ‘ਤੇ ਬਣਿਆ ਵਿਸ਼ੇਸ਼ ਜਾਂਚ ਦਲ ( ਐਸਆਈਟੀ ) ਭਾਰਤੀਆਂ ਤੇ ਕਰ ਚੋਰਾਂ ਵੱਲੋਂ ਵਿਦੇਸ਼ ‘ਚ ਜਮਾਂ ਕੀਤੇ ਗਏ ਗ਼ੈਰਕਾਨੂੰਨੀ ਪੈਸੇ ਨਾਲ ਜੁੜੇ ਮਾਮਲਿਆਂ ‘ਚ ਵੱਖ ਵੱਖ ਜਾਂਚ ਏਜੰਸੀਆਂ ਵੱਲੋਂ ਕੀਤੀ ਗਈ ਕਾਰਵਾਈ ਦੇ ਸੰਬੰਧ ‘ਚ ਉੱਚਤਮ ਅਦਾਲਤ ‘ਚ ਨਵੀਂ ਸਥਿਤੀ ਰਿਪੋਰਟ ਦਰਜ ਕਰ ਸਕਦਾ ਹੈ। ਸੂਤਰਾਂ ਨੇ ਕਿਹਾ ਕਿ ਉੱਚ ਸ਼ਕਤੀ ਪ੍ਰਾਪਤ ਕਮੇਟੀ ਨੇ ਕੁੱਝ ਸਮਾਂ ਪਹਿਲਾਂ ਰਿਪੋਰਟ ਲਈ ਸਚਾਈ ਤੇ ਅੰਕੜੇ ਇਕੱਠੇ ਕਰਨ ਦਾ ਕੰਮ ਸ਼ੁਰੂ ਕੀਤਾ ਤੇ ਅੰਤਿਮ ਡੇਟਾ ‘ਚ ਆਮਦਨ ਕਰ ਵਿਭਾਗ ਵੱਲੋਂ ਐਚਐਸਬੀਸੀ ਬੈਂਕ ਦੇ 628 ਮਾਮਲਿਆਂ ਦੇ ਸੰਬੰਧ ‘ਚ ਕੀਤੀ ਗਈ ਕਾਰਵਾਈ ਨੂੰ ਸ਼ਾਮਿਲ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਇਸ ਘਟਨਾਕ੍ਰਮ ਨਾਲ ਜੁੜੇ ਸੂਤਰਾਂ ਨੇ ਕਿਹਾ ਕਿ ਐਸਆਈਟੀ ਉੱਚਤਮ ਅਦਾਲਤ ‘ਚ ਇਸ ਮਹੀਨੇ ਦੇ ਪਹਿਲੇ ਪਖਵਾੜੇ ਦੇ ਅੰਦਰ ਨਵੀਂ ਸਥਿਤੀ ਰਿਪੋਰਟ ਦਰਜ ਕਰ ਸਕਦਾ ਹੈ। ਬਾਅਦ ‘ਚ ਇਹ ਰਿਪੋਰਟ ਸਰਕਾਰ ਨੂੰ ਵੀ ਦਿੱਤੀ ਜਾਵੇਗੀ।