ਨਵੀਂ ਦਿੱਲੀ- ਆਮ ਆਦਮੀ ਪਾਰਟੀ (ਆਪ) ਦੇ ਲਕਸ਼ਮੀਨਗਰ ਤੋਂ ਬਾਗੀ ਤੇਵਰ ਦਿਖਾਉਣ ਵਾਲੇ ਵਿਧਾਇਕ ਵਿਨੋਦ ਕੁਮਾਰ ਬਿੰਨੀ ਨੇ ਕਿਹਾ ਹੈ ਕਿ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦਾ ਰੇਲ ਭਵਨ ਦੇ ਸਾਹਮਣੇ ਧਰਨਾ ਕਾਨੂੰਨ ਮੰਤਰੀ ਸੋਮਨਾਥ ਭਾਰਤੀ ਨੂੰ ਬਚਾਉਣ ਲਈ ਕਿਹਾ ਸੀ। ਸ਼੍ਰੀ ਬਿੰਨੀ ਇੱਥੇ ਮੀਡੀਆ ਨਾਲ ਗੱਬਲਾਤ ਕਰਦੇ ਹੋਏ ਸ਼੍ਰੀ ਭਾਰਤੀ ਨੇ ਜੰਮ ਕੇ ਬਰਸੇ। ਉਨ੍ਹਾਂ ਨੇ ਕਿਹਾ ਕਿ ਕਾਨੂੰਨ ਦੀ ਨਜ਼ਰ ‘ਚ ਸਾਰੇ ਬਰਾਬਰ ਹਨ ਅਤੇ ਸ਼੍ਰੀ ਭਾਰਤੀ ਦੇ ਖਿਲਾਫ ਕਾਰਵਾਈ ਹੋਣੀ ਚਾਹੀਦੀ ਹੈ। ‘ਆਪ’ ਨਾਲ ਬਗਾਵਤ ਕਰਨ ਵਾਲੇ ਅਤੇ ਮੁੱਖ ਮੰਤਰੀ ਨੂੰ ‘ਤਾਨਾਸ਼ਾਹ’ ਦੱਸਣ ਵਾਲੇ ਸ਼੍ਰੀ ਬਿੰਨੀ ਨੇ ਕਿਹਾ ਕਿ ਜਿਸ ਤਰ੍ਹਾਂ ਨਿਰਪੱਖ ਜਾਂਚ ਲਈ ਦਿੱਲੀ ਪੁਲਸ ਦੇ 2 ਅਧਿਕਾਰੀਆਂ ਨੂੰ ਛੁੱਟੀ ‘ਤੇ ਭੇਜਿਆ ਗਿਆ ਹੈ, ਉਸੇ ਤਰ੍ਹਾਂ ਸ਼੍ਰੀ ਭਾਰਤੀ ਨੂੰ ਵੀ ਛੁੱਟੀ ‘ਤੇ ਭੇਜਿਆ ਜਾਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਸ਼੍ਰੀ ਭਾਰਤੀ ਨੂੰ ਸਰਕਾਰ ਤੋਂ ਅਸਤੀਫਾ ਦੇਣਾ ਚਾਹੀਦਾ ਹੈ।