ਕੈਨੇਡਾ ਅਤੇ ਭਾਰਤ ਦੋਵੇਂ ਸ਼ਾਂਤੀ ਦੇ ਪ੍ਰਤੀਕ : ਸੱਜਣ

ਨਵੀਂ ਦਿੱਲੀ/ਟੋਰਾਂਟੋ— ਭਾਰਤ ਦੌਰੇ ‘ਤੇ ਆਏ ਕੈਨੇਡੀਅਨ ਰੱਖਿਆ ਮੰਤਰੀ ਹਰਜੀਤ ਸਿੰਘ ਸੱਜਣ ਨੇ ਆਪਣੀ ਯਾਤਰਾ ਬਾਰੇ ਕੁੱਝ ਖਾਸ ਗੱਲਾਂ ਸਾਂਝੀਆਂ ਕੀਤੀਆਂ ਹਨ। ਸੱਜਣ ਨੇ ਕਿਹਾ ਕਿ ਕੈਨੇਡਾ ਦੇ ਰੱਖਿਆ ਮੰਤਰੀ ਦਾ ਅਹੁਦਾ ਸੰਭਾਲਣ ਮਗਰੋਂ ਉਹ ਪਹਿਲੀ ਵਾਰ ਭਾਰਤ ਆਏ ਹਨ। ਉਨ੍ਹਾਂ ਕਿਹਾ,’ਮੇਰੇ ਲਈ ਇਹ ਬਹੁਤ ਮਾਣ ਵਾਲੀ ਗੱਲ ਹੈ ਕਿ ਮੈਂ ਇੱਥੇ ਕੈਨੇਡੀਅਨਜ਼ ਦੀ ਪ੍ਰਤੀਨਿਧਤਾ ਕਰ ਰਿਹਾ ਹਾਂ। ਪਿਛਲੇ ਹਫਤੇ ਮੈਂ ‘ਵਿਮੀ ਰਿਜ’ ਵਿਖੇ ਗਿਆ ਸੀ। ਦਿੱਲੀ ‘ਚ ਮੇਰੇ ਦਿਨ ਦੀ ਸ਼ੁਰੂਆਤ ‘ਕਾਮਨਵੈੱਲਥ ਵਾਰ ਸੀਮੈਂਟਰੀ’ ‘ਚ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਨਾਲ ਹੋਈ। ਇੱਥੇ ਦੁਨੀਆ ਭਰ ਦੇ ਸ਼ਹੀਦਾਂ ਦੀ ਸੀਮੈਂਟਰੀ ਹੈ, ਜਿਨ੍ਹਾਂ ‘ਚ 18 ਕੈਨੇਡੀਅਨਜ਼ ਵੀ ਸਨ।’