ਮੁੰਬਈ— ਬਾਲੀਵੁੱਡ ਅਭਿਨੇਤਾ ਜੌਨ ਅਬ੍ਰਾਹਮ ਦੀ ਆਉਣ ਵਾਲੀ ਫਿਲਮ ‘ਪਰਮਾਣੂ : ਦਿ ਸਟੋਰੀ ਆਫ ਪੋਕਰਣ’ ਦਾ ਬੀਤੇ ਕੁਝ ਦਿਨ ਪਹਿਲਾਂ ਪੋਸਟਰ ਰਿਲੀਜ਼ ਹੋਇਆ ਸੀ। ਇਹ ਫਿਲਮ ਪਰਮਾਣੂ 1998 ‘ਚ ਰਾਜਸਥਾਨ ਦੇ ਪੋਕਰਣ ‘ਚ ਹੋਏ ਪਰਮਾਣੂ ਪਰੀਖਣ ‘ਤੇ ਆਧਾਰਿਤ ਹੈ। ਹੁਣ ਇਸ ਫਿਲਮ ‘ਚ ਲੀਡ ਅਭਿਨੇਤਰੀ ਡਾਇਨਾ ਪੇਂਟੀ ਅਤੇ ਜੌਨ ਅਬ੍ਰਾਹਮ ਦੀਆਂ ਦੇ ਲੁਕ ਦੀਆਂ ਕੁਝ ਤਸਵੀਰਾਂ ਸੈੱਟ ਤੋਂ ਲੀਕ ਹੋਈਆਂ ਹਨ। ਇਸ ਸਮੇਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਕਾਫੀ ਛਾਈਆਂ ਹੋਈਆਂ ਹਨ ਅਤੇ ਫਿਲਮ ਪ੍ਰਤੀ ਉਤਸੁਕਤਾ ਪੈਦਾ ਕਰ ਰਹੀਆਂ ਹਨ। ਫਿਲਮ ‘ਚ ਲੀਡ ਕਿਰਦਾਰ ਨਿਭਾਅ ਰਹੀ ਡਾਇਨਾ ਦੀ ਤਸਵੀਰ ਵੀ ਲੀਕ ਹੋ ਚੁੱਕੀ ਹੈ ਅਤੇ ਸੋਸ਼ਲ ਮੀਡੀਆ ‘ਤੇ ਖੂਬ ਛਾਈ ਹੋਈ ਹੈ। ਹਾਲਾਕਿ ਹੁਣ ਤਕ ਜੌਨ ਨੇ ਆਪਣੇ ਇਸ ਲੁਕ ਦੀ ਤਸਵੀਰ ਨੂੰ ਅਧਿਕਾਰਤ ਤੌਰ ‘ਤੇ ਪੋਸਟ ਨਹੀਂ ਕੀਤਾ ਹੈ। ਉੱਥੇ ਹੀ ਡਾਇਨਾ ਨੇ ਟਵਿਟਰ ‘ਤੇ ਲਿਖਿਆ, ”ਪਰਮਾਣੂ ਤੋਂ ਆਪਣਾ ਲੁਕ ਸ਼ੇਅਰ ਕਰਦੇ ਹੋਏ ਬਹੁਤ ਖੁਸ਼ ਹਾਂ।ਇਸ ਤੋਂ ਪਹਿਲਾਂ ਜੌਨ ਨੇ ਟਵਿਟਰ ‘ਤੇ ਲਿਖਿਆ ਸੀ ਹੁਣ ਤਕ ਦੀ ਸਭ ਤੋਂ ਵੱਡੇ ਟੈਸਟ ਨੂੰ ਤੁਹਾਡੇ ਸਭ ਨਾਲ ਸ਼ੇਅਰ ਕਰਦੇ ਹੋਏ ਬਹੁਤ ਖੁਸ਼ ਹਾਂ, ਪਰਮਾਣੂ ਪਹਿਲੀ ਝਲਕ”। ਇਸ ਤੋਂ ਇਲਾਵਾ ਇਹ ਫਿਲਮ 8 ਦਸੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਕਿਹਾ ਜਾ ਰਿਹਾ ਹੈ ਕਿ ਫਿਲਮ ਜ਼ਬਰਦਸਤ ਐਕਸ਼ਨ ਅਤੇ ਡਰਾਮੇ ਨਾਲ ਭਰਪੂਰ ਹੋਵੇਗੀ।