ਪ੍ਰਧਾਨ ਮੰਤਰੀ ਟਰੂਡੋ ਕਰਨਗੇ ਇਨ੍ਹਾਂ ਦੇਸ਼ਾਂ ਦਾ ਦੌਰਾ, ਟਰੰਪ ਨਾਲ ਹੋਵੇਗੀ ਬੈਠਕ

ਟੋਰਾਂਟੋ— ਵੀਰਵਾਰ ਨੂੰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਕਈ ਹੋਰ ਦੇਸ਼ਾਂ ਦੇ ਨੇਤਾਵਾਂ ਨਾਲ ਬੈਠਕ ਕਰਨਗੇ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ‘ਨਾਟੋ’ ਅਤੇ ‘ਜੀ-7 ਸਿਖਰ ਵਾਰਤਾਵਾਂ’ ਵਿੱਚ ਹਿੱਸਾ ਲੈਣ ਲਈ ਯੂਰਪ ਜਾਣਗੇ। ਸੂਤਰਾਂ ਮੁਤਾਬਕ ਇਸ ਹਫਤੇ ਟਰੂਡੋ ਬਰਸਲਜ਼, ਟੈਰੋਮਿਨਾ ਅਤੇ ਇਟਲੀ ਜਾਣਗੇ।ਫੌਜੀ ਗਠਜੋੜ , ਵਾਤਾਵਰਣ ਦੇ ਸਬੰਧ ਵਿੱਚ ਚੱਲ ਰਿਹਾ ਸੰਘਰਸ਼ ਅਤੇ ਮੁਕਤ ਵਪਾਰ ਵਰਗੇ ਮੁੱਦਿਆਂ ‘ਤੇ ਗੱਲ ਬਾਤ ਹੋਣ ਦੀ ਆਸ ਪ੍ਰਗਟਾਈ ਜਾ ਰਹੀ ਹੈ। ਕਿਹਾ ਨਹੀਂ ਜਾ ਸਕਦਾ ਕਿ ਟਰੰਪ ਇਸ ਬਾਰੇ ਗੱਲ ਕਰਨਗੇ ਜਾਂ ਨਹੀਂ? ਇਸ ਹਫਤੇ ਕੀ ਹੋਣ ਜਾ ਰਿਹਾ ਹੈ ਇਸ ਸਵਾਲ ਦਾ ਜਵਾਬ ਸਭ ਜਾਨਣਾ ਚਾਹੁੰਦੇ ਹਨ ਪਰ ਅਜੇ ਇੰਤਜ਼ਾਰ ਕਰਨਾ ਪਵੇਗਾ।