ਉਫਾ, 9 ਜੁਲਾਈ-ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਸੱਤਵੇਂ ਬ੍ਰਿਕਸ ਸੰਮੇਲਨ ਵਿੱਚ ਸ਼ਿਰਕਤ ਕਰਨਗੇ , ਇਸ ਦੇ ਨਾਲ ਹੀ ਉਹ ਸ਼ੰਘਾਈ ਸਹਿਯੋਗ ਸੰਗਠਨ ਸੰਮੇਲਨ ਵਿੱਚ ਵੀ ਸ਼ਾਮਿਲ ਹੋਣਗੇ । ਗੌਰਤਲਬ ਹੈ ਕਿ ਬ੍ਰਿਕਸ ਸੰਮੇਲਨ ਦੀ ਸ਼ੁਰੁਆਤ ਅੱਜ ਹੋ ਰਹੀ ਹੈ ਅਤੇ ਇਹ ਕੱਲ ਤੱਕ ਚੱਲੇਗੀ । ਉਫਾ ਰੂਸ ਦੇ ਬਾਸ਼ਕੋਰਤੋਸਤਾਨ ਰਾਜ ਦੀ ਰਾਜਧਾਨੀ ਹੈ , ਜਿੱਥੇ ਬ੍ਰਿਕਸ ( ਬਰਾਜੀਲ , ਭਾਰਤ , ਚੀਨ , ਦੱਖਣ ਅਫਰੀਕਾ ) ਸਿਖਰ ਬੈਠਕ ਹੋਵੇਗੀ ਅਤੇ ਐਸ.ਸੀ.ਓ ਸੰਮੇਲਨ ਦੀ 15ਵੀਂ ਬੈਠਕ 9 – 10 ਜੁਲਾਈ ਨੂੰ ਆਯੋਜਿਤ ਹੋ ਰਹੀ ਹੈ। ਬ੍ਰਿਕਸ ਸੰਗਠਨ ਦੇ ਸਰਗਰਮ ਮੈਂਬਰ ਚੀਨ ਨੂੰ ਉਮੀਦ ਹੈ ਕਿ ਉਫਾ ਸੰਮੇਲਨ ਬ੍ਰਿਕਸ ਦੇਸ਼ਾਂ ਵਿਚਕਾਰ ਤਾਲਮੇਲ ਵਧਾਉਣ ਵਿਚ ਮਦਦਗਾਰ ਸਾਬਤ ਹੋ ਸਕਦਾ ਹੈ।