ਬੰਗਲੌਰ, ਭਾਰਤੀ ਸੰਚਾਰ ਉਪਗ੍ਰਹਿ ਜੀ ਸੈਟ -16 ਸਹੀ ਹਾਲਤ ‘ਚ ਸਫਲਤਾ ਨਾਲ ਲਾਂਚ ਹੋ ਚੁੱਕਾ ਹੈ। ਇਸ ਨੂੰ ਅੱਜ ਤੜਕੇ ਫ੍ਰੈਂਚ ਗੁਆਨਾ ਦੇ ਕੌਰੋ ਤੋਂ ਏਰੀਆਨਾ ਸਪੇਸ ਲਾਂਚਰ ਰਾਹੀਂ ਛੱਡਿਆ ਗਿਆ। ਲਗਾਤਾਰ ਦੋ ਵਾਰ ਅਸਫਲਤਾਵਾਂ ਤੋਂ ਬਾਅਦ ਤੀਸਰੀ ਵਾਰ ਦੀ ਕੋਸ਼ਿਸ਼ ‘ਚ ਇਸ ਨੂੰ ਸਫਲਤਾ ਨਾਲ ਛੱਡਿਆ ਗਿਆ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵਿਗਿਆਨੀਆਂ ਨੂੰ ਇਸ ਸਫਲਤਾ ਲਈ ਵਧਾਈ ਦਿੱਤੀ ਹੈ। ਇਸ ਨੂੰ ਅੱਜ ਤੜਕੇ 2 ਵਜੇ ਕੇ 10 ਮਿੰਟ ‘ਤੇ ਲਾਂਚ ਕੀਤਾ ਗਿਆ। ਗੌਰਤਲਬ ਹੈ ਕਿ ਟ੍ਰਾਂਸਪੋਂਡਰਾਂ ਦੀ ਸਮਰੱਥਾ ‘ਚ ਕਮੀ ਕਾਰਨ ਇਸਰੋ ਨੇ ਵਿਦੇਸ਼ੀ ਉਪਗ੍ਰਹਿਆਂ ਤੋਂ 95 ਟ੍ਰਾਂਸਪੋਂਡਰਾਂ ਨੂੰ ਲੀਜ ‘ਤੇ ਲਿਆ ਹੋਇਆ ਹੈ। ਜੀ.ਸੈਟ-16 ਦਾ ਵਜ਼ਨ 3,181.6 ਕਿਲੋਗ੍ਰਾਮ ਹੈ ਅਤੇ ਇਸ ‘ਤੇ ਕੁਲ 48 ਸੰਚਾਰ ਟ੍ਰਾਂਸਪੋਂਡਰ ਲੱਗੇ ਹਨ। ਇਸ ਉਪਗ੍ਰਹਿ ਨੂੰ ਜਮਾਤ ‘ਚ ਸਥਾਪਿਤ ਕੀਤੇ ਜਾਣ ਨਾਲ ਸਰਕਾਰੀ ਤੇ ਨਿੱਜ਼ੀ ਟੈਲੀਵਿਜ਼ਨ ਚੈਨਲਾਂ, ਰੇਡੀਓ ਸੇਵਾਵਾਂ, ਇੰਟਰਨੈਟ ਤੇ ਟੈਲੀਫੋਨ ਆਪਰੇਸ਼ਨ ‘ਚ ਸੁਧਾਰ ਹੋਵੇਗਾ।