ਵਿਸ਼ਵ ਕੱਪ ਦਾ ਪਹਿਲਾ ਮੈਚ ਸ਼ਾਇਦ ਨਾ ਖੇਡੇ ਕਲਾਰਕ

ਮੈਲਬਰਨ, ਸੱਜੀ ਹੇਮਸਟਰਿੰਗ ਦੀ ਸੱਟ ਤੋਂ ਉਭਰ ਰਹੇ ਆਸਟਰੇਲੀਆ ਦੇ ਕਪਤਾਨ ਮਾਈਕਲ ਕਲਾਰਕ ਨੇ ਸਵੀਕਾਰ ਕੀਤਾ ਹੈ ਕਿ ਉਹ ਸ਼ਾਇਦ 14 ਫਰਵਰੀ ਤੱਕ ਠੀਕ ਨਾ ਹੋ ਸਕੇ ਜਦੋਂ ਸ਼ਹਿ ਮੇਜ਼ਬਾਨ ਆਸਟਰੇਲੀਆ ਵਿਸ਼ਵ ਕੱਪ ਵਿੱਚ ਇੰਗਲੈਂਡ ਵਿਰੁੱਧ ਆਪਣਾ ਪਹਿਲਾ ਮੈਚ ਖੇਡੇਗਾ। ਕਲਾਰਕ ਨੇ ਇਕ ਚੈਨਲ ਉਤੇ ਕੁਮੈਂਟਰੀ ਕਰਦਿਆਂ ਕਿਹਾ, ‘ਮੈਨੂੰ ਇਸ ਗੱਲ ਦਾ ਪੂਰਾ ਯਕੀਨ ਨਹੀਂ ਕਿ ਮੈਂ ਪਹਿਲੇ ਮੈਚ ਲਈ ਫਿੱਟ ਹੋ ਜਾਵਾਂਗਾ। ਪਰ ਵਿਸ਼ਵ ਕੱਪ ਦੇ ਬਹੁਤੇ ਹਿੱਸੇ ਲਈ ਮੈਂ ਫਿੱਟ ਰਹਾਂਗਾ ਤੇ ਖੇਡਣ ਲਈ ਹਾਜ਼ਰ ਹੋਵਾਂਗਾ।’