ਨਵੀਂ ਦਿੱਲੀ – ਪ੍ਰਸਿੱਧ ਅਭਿਨੇਤਾ ਸ਼ਸ਼ੀ ਕਪੂਰ ਨੂੰ ਕਲ ਮੁੰਬਈ ਦੇ ਮਸ਼ਹੂਰ ਪ੍ਰਿਥਵੀ ਥਿਏਟਰ ‘ਚ ਵੱਕਾਰੀ ਦਾਦਾ ਸਾਹਿਬ ਫਾਲਕੇ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। 62ਵੇਂ ਰਾਸ਼ਟਰੀ ਫਿਲਮ ਪੁਰਸਕਾਰ 3 ਮਈ ਨੂੰ ਦਿੱਤੇ ਗਏ ਸਨ ਪਰ ਬੀਮਾਰ ਹੋਣ ਕਾਰਨ ਸ਼ਸ਼ੀ ਕਪੂਰ ਇਸ ਨੂੰ ਹਾਸਲ ਕਰਨ ਲਈ ਦਿੱਲੀ ਨਹੀਂ ਆ ਸਕੇ ਸਨ। ਇਸ ਦੌਰਾਨ ਉਨ੍ਹਾਂ ਦੇ ਫਿਲਮੀ ਕੈਰੀਅਰ ‘ਤੇ ਇਕ ਲਘੂ ਫਿਲਮ ਦਿਖਾਈ ਗਈ ਸੀ। ਸੂਤਰਾਂ ਅਨੁਸਾਰ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਅਰੁਣ ਜੇਤਲੀ ਕਲ ਸ਼ਸ਼ੀ ਕਪੂਰ ਨੂੰ ਇਹ ਸਨਮਾਨ ਦੇਣਗੇ।