ਸਸਕਾਟੂਨ ਦੀ ਅਦਾਲਤ ‘ਚ ਧਮਾਕਾ, ਪੁਲਸ ਜਾਂਚ ‘ਚ ਜੁਟੀ
-- 30 March,2017
ਸਸਕਾਟੂਨ— ਕੈਨੇਡਾ ਦੇ ਸਸਕਾਟੂਨ ਵਿਖੇ ਅਦਾਲਤ ਦੀ ਬਿਲਡਿੰਗ ‘ਚ ਅੱਜ ਧਮਾਕਾ ਹੋ ਗਿਆ, ਜਿਸ ਦੀ ਪੁਲਸ ਜਾਂਚ ਕਰ ਰਹੀ ਹੈ। ਪੁਲਸ ਦਾ ਕਹਿਣਾ ਹੈ ਕਿ ਧਮਾਕੇ ‘ਚ ਕਿਸੇ ਤਰ੍ਹਾਂ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ ਪਰ ਬਿਲਡਿੰਗ ਥੋੜ੍ਹੀ-ਬਹੁਤ ਨੁਕਸਾਨੀ ਗਈ ਹੈ।
ਪੁਲਸ ਨੂੰ ਬੁੱਧਵਾਰ ਰਾਤ 11 ਵਜੇ ਇਸ ਸਬੰਧੀ ਫੋਨ ‘ਤੇ ਜਾਣਕਾਰੀ ਹਾਸਲ ਹੋਈ। ਫਿਲਹਾਲ ਬੰਬ ਨਿਰੋਧੀ ਦਸਤੇ ਤੇ ਪੁਲਸ ਬਿਲਡਿੰਗ ‘ਚ ਜਾਂਚ ਕਰ ਰਹੀ ਹੈ ਤੇ ਅਜੇ ਤਕ ਇਸ ਮਾਮਲੇ ‘ਚ ਕਿਸੇ ਤਰ੍ਹਾਂ ਦੀ ਗ੍ਰਿਫਤਾਰੀ ਨਹੀਂ ਹੋਈ।
