ਮਾਰੀਸ਼ਸ ਦੇ ਪ੍ਰਧਾਨਮੰਤਰੀ ਨਵੀਨ ਚੰਦਰ ਰਾਮਗੁਲਾਮ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਹ ਇਸ ਹਫਤੇ ਸ਼੍ਰੀਲੰਕਾ ‘ਚ ਹੋਣ ਵਾਲੀ ਰਾਸ਼ਟਰਮੰਡਲ ਦੇਸ਼ਾਂ ਦੀ ਸਿਖਰ ਬੈਠਕ ਦਾ ਬਾਈਕਾਟ ਕਰਨਗੇ ਕਿਉਂਕਿ ਮੇਜ਼ਬਾਨ ਦੇਸ਼ ਦਾ ਮਨੁੱਖੀ ਅਧਿਕਾਰੀ ਸਬੰਧੀ ਰਿਕਾਰਡ ਚੰਗਾ ਨਹੀਂ ਹੈ। ਮਾਰੀਸ਼ਸ ਦੀ ਤਰ੍ਹਾਂ ਭਾਰਤ ਦੇ ਪ੍ਰਧਾਨ ਮੰਤਰੀ ਵੀ ਇਸ ਬੈਠਕ ‘ਚ ਹਿੱਸਾ ਨਹੀਂ ਲੈ ਰਹੇ ਹਨ। ਇਸ ਬੈਠਕੇ ‘ਚ ਭਾਰਤੀ ਵਿਦੇਸ਼ ਮੰਤਰੀ ਸਲਮਾਨ ਖੁਰਸ਼ੀਦ ਸ਼ਿਰਕਤ ਕਰਨਗੇ। ਕੈਨੇਡਾ ਇਸ ਬੈਠਕ ਦਾ ਪੂਰੀ ਤਰ੍ਹਾਂ ਬਾਈਕਾਟ ਕਰ ਰਿਹਾ ਹੈ। ਰਾਮਗੁਲਾਮ ਨੇ ਮਾਰੀਸ਼ਸ ਦੀ ਸੰਸਦ ‘ਚ ਕਿਹਾ ਕਿ ਸ਼੍ਰੀਲੰਕਾ ‘ਚ ਮਨੁੱਖੀ ਅਧਿਕਾਰ ਦੇ ਸਨਮਾਨ ‘ਚ ਤਰੱਕੀ ਦੀ ਕਮੀ ਨੂੰ ਦੇਖਦੇ ਹੋਏ ਪ੍ਰਭੂਸੱਤਾ ਸੰਪਨ ਮਾਰੀਸ਼ਸ ਨੇ ਇਹ ਫੈਸਲਾ ਕੀਤਾ ਹੈ।