ਸਨਾ—ਯਮਨ ‘ਚ ਸਰਗਰਮ ਖਤਰਨਾਕ ਅੱਤਵਾਦੀ ਸੰਗਠਨ ਅਲਕਾਇਦਾ ਨੇ ਪੰਜ ਦਸੰਬਰ ਨੂੰ ਰਾਜਧਾਨੀ ਸਨਾ ‘ਚ ਫੌਜ ਦੇ ਇਕ ਹਸਪਤਾਲ ‘ਤੇ ਕੀਤੇ ਗਏ ਹਮਲੇ ਨੂੰ ਆਪਣੀ ਭੁੱਲ ਦੱਸਿਆ ਹੈ। ਅੱਤਵਾਦੀ ਸੰਗਠਨ ਨੇ ਪਹਿਲੀ ਵਾਰ ਕਿਸੇ ਹਮਲੇ ਦੇ ਲਈ ਅਫਸੋਸ ਜ਼ਾਹਰ ਕੀਤਾ ਹੈ। ਅਲਕਾਇਦਾ ਨੇ ਸ਼ਨੀਵਾਰ ਨੂੰ ਜਾਰੀ ਬਿਆਨ ‘ਚ ਕਿਹਾ ਕਿ ਸਨਾ ‘ਚ ਰੱਖਿਆ ਮੰਤਰਾਲੇ ਕੰਪਲੈਕਸ ‘ਚ ਬਣੇ ਫੌਜ ਦੇ ਹਸਪਤਾਲ ‘ਤੇ ਕੀਤਾ ਗਿਆ ਹਮਲਾ ਗਲਤ ਸੀ। ਅਸੀਂ ਇਸ ਤਰੀਕੇ ਨਾਲ ਲੜਾਈ ਨਹੀਂ ਕਰਦੇ ਹਨ ਅਤੇ ਨਾ ਹੀ ਅਸੀਂ ਆਪਣੇ ਲੋਕਾਂ ਨੂੰ ਅਜਿਹਾ ਕਰਨ ਦੇ ਲਈ ਕਹਿੰਦੇ ਹਨ। ਅਸੀਂ ਇਸ ਤਰ੍ਹਾਂ ਨਾਲ ਕੰਮ ਨਹੀਂ ਕਰਦੇ ਹਨ। ਅਲਕਾਇਦਾ ਨੇ ਨਾਲ ਹੀ ਆਪਣੇ ਲੜਾਕਿਆਂ ਨੂੰ ਹਸਪਤਾਲ ‘ਤੇ ਹਮਲਾ ਨਾ ਕਰਨ ਦੀ ਚਿਤਾਵਨੀ ਦਿੱਤੀ ਹੈ। ਯਮਨ ‘ਚ ਫੌਜ ਦੇ ਹਸਪਤਾਲ ‘ਤੇ ਅਲਕਾਇਦਾ ਸਮਰਥਕ ਅੰਸਾਰ ਅਲ ਸ਼ਰੀਆ ਨੇ ਹਮਲਾ ਕਿਆਥਾ ਜਿਸ ‘ਚ 52 ਲੋਕਾਂ ਦੀ ਮੌਤ ਹੋ ਗਈ। ਹਮਲੇ ਦੀ ਪੂਰੀ ਘਟਨਾ ਹਸਪਤਾਲ ‘ਚ ਲਗੇ ਸੀ. ਸੀ. ਟੀ. ਵੀ. ਫੁਟੇਜ ‘ਚ ਕੈਦ ਹੋ ਗਈ ਸੀ ਅਤੇ ਇਸ ਨੂੰ ਸਰਕਾਰੀ ਮੀਡੀਆ ਨੇ ਪ੍ਰਸਾਰਿਤ ਕੀਤੀ, ਜਿਸ ਤੋਂ ਬਾਅਦ ਪੂਰੇ ਦੇਸ਼ ‘ਚ ਇਸ ਹਮਲੇ ਦੇ ਵਿਰੋਧ ‘ਚ ਲਹਿਰ ਉੱਠੀ। ਅਲਕਾਇਦਾ ਨੇ ਪਹਿਲੇ ਹਮਲੇ ਦੇ ਪਿਛੇ ਇਸ ਗੱਲ ਦਾ ਤਰਕ ਦਿੱਤਾ ਸੀ ਕਿ ਇਸ ਹਸਪਤਾਲ ਤੋਂ ਅਮਰੀਕਾ ਡ੍ਰੋਨ ਹਮਲੇ ਸੰਚਾਲਿਤ ਕਰ ਰਿਹ ਹੈ। ਫੁਟੇਜ ‘ਚ ਵਰਦੀ ਵਾਲੇ ਅੱਤਵਾਦੀਆਂ ਨੂੰ ਡਾਕਟਰਾਂ ਅਤੇ ਨਰਸਾਂ ‘ਤੇ ਅੰਨ੍ਹੇਵਾਹ ਗੋਲੀਆਂ ਚਲਾਉਂਦੇ ਦਿਖ ਰਹੇ ਹਨ।